Bakı küçələri belə yuyulur – Fotolar
24 Mart 2020 10:25
195

Bakı küçələri belə yuyulur – Fotolar

Artıq bir neçə gündür ki, koronavirus (COVİD - 19) infeksiyasının yarada biləcəyi təhlükənin qarşısının alınması məqsədilə Nazirlər Kabineti yanında xüsusi Qərargahın tapşırıq və tövsiyələrinə uyğun olaraq Bakı Şəhər İcra Hakimiyyətinin tabeliyində olan kommunal xidmətlər tərəfindən xüsusi texnikalar vasitəsi ilə şəhərin küçələrinin yuyulması aparılır. 

Bakı Şəhər İcra Hakimiyyəti Mətbuat xidmətindən “Yeni Sabah”a daxil olan xəbərə görə, bu prosses gündəlik olaraq səhər saat 05:00-dan 08:00-dək, axşam saatlarında saat 21:00-dan 23:00-dək keçirilir. 

Ötən gün axşam saatlarında paytaxtın Nizami, Xətai, Sabunçu, Suraxanı, Xəzər, Yasamal, Nəsimi  rayonlarında keçirilən yuyulma işləri bu səhər yenidən  Nizami, Xətai, Sabunçu, Suraxanı, Xəzər, Yasamal, Nəsimi və Səbail rayonlarında davam etdirilib. Bu prosses paytaxtın bütün rayonlarındakı əsas, köməkçi və ara küçə və yolları əhatə edir. 

Bundan əlavə gün ərzində yaşayış binalarının həyətlərində, giriş bloklarında, lift kabinlərində, pilləkən marşlarında, konteyner meydançalarında və sakinlərin daha çox istifadə etdiyi yerlərdə kommunal və digər aidiyyəti qurumlar tərəfindən dezinfeksiyaedici tədbirlər aparılır.

Axşam saatlarında keçirilən prossesin foto və videolarını təqdim edirik.

Bakı küçələri belə yuyulur – Fotolar
Bakı küçələri belə yuyulur – Fotolar
Bakı küçələri belə yuyulur – Fotolar
Bakı küçələri belə yuyulur – Fotolar
Bakı küçələri belə yuyulur – Fotolar
Bizi Telegram-da oxuyun. Azərbaycanın və dünyanın ən vacib xəbərləri Şahidi olduğunuz hadisələri çəkib bizə göndərin!

Oxşar xəbərlər