Böyük Britaniya və İsrail arasında münasibətlər gərgin diplomatik qarşıdurma müstəvisinə keçib.
“Yeni Sabah” xəbər verir ki, London rəsmi Təl-Əvivə xəbərdarlıq edib ki, Şərqi Qüdsdə yerləşən Baş Konsulluğunun fəaliyyəti dayandırılacağı və britaniyalı diplomatlar ölkədən çıxarılacağı təqdirdə, cavab tədbiri olaraq İsrailin Böyük Britaniyadakı səfirliyinin 27 əməkdaşını və onların ailə üzvlərini ölkədən qovacaq.
Məlumata görə, İsrail Xarici İşlər Nazirliyinin Şərqi Qüdsdəki Britaniya diplomatik missiyasını oktyabrın 8-də rəsmən bağlayacağı gözlənilir. İki tərəfdaş ölkə arasında yaranan bu misilsiz böhranın qarşısını almaq üçün Britaniyanın milli təhlükəsizlik üzrə müşaviri Conatan Pauellin İsrailə etdiyi son dəqiqə səfəri və gizli danışıqları da hələlik heç bir nəticə verməyib. Qərbi Şərqdəki məskunlaşma siyasəti və tətbiq edilən sanksiyalar fonunda dərinləşən bu diplomatik qarşıdurma tərəflər arasında gərginliyi pik həddə çatdırıb. Marqarita pizza
Nazim Hacıyev
Telegram kanalımız
