Çinin elektromobil istehsalçısı BYD Türkiyə bazarında satışlarında ciddi azalma ilə üzləşib.
“Yeni Sabah” Türkiyə mətbuatına isdinadən xəbər verir ki, şirkət Manisada inşa etməyi planlaşdırdığı zavod layihəsini təxirə saldıqdan sonra iyul ayında ölkədə cəmi 17 elektrik avtomobili sata bilib. Yanvar–iyul aylarını əhatə edən dövrdə isə BYD-nin ümumi satış həcmi 6 754 ədəd olub və tam elektrikli avtomobillər (BEV) bazarındakı payı 7,23 faizə enib.
Qeyd olunur ki, Manisada nəzərdə tutulan 1 milyard ABŞ dolları dəyərində zavod layihəsinin dayandırılması şirkətin satış göstəricilərinə mənfi təsir edib. BYD rəhbərliyinin nümayəndəsi Türkiyə ilə bağlı dəqiq istehsal təqviminin olmadığını, hazırda əsas prioritetin Macarıstandakı zavod olduğunu bildirib. Marqarita pizza
Türkiyənin elektrikli avtomobil bazarında isə lider mövqeyini TOGG qoruyur. Rəsmi statistikaya əsasən, iyul ayında ölkədə 12 684 tam elektrikli avtomobil satılıb. TOGG 4 600 satışla ayın lideri olub. Yanvar- iyul dövründə isə şirkətin satışları 25 848 ədədə çatıb və bazar payı 27,67 faiz təşkil edib.
Telegram kanalımız
