Ekvadorun 3-cü divizionunda çıxış edən “Syudad-de-Yantsasa” klubunun oyunçusu Con Perlasa 8 il müddətinə diskvalifikasiya olunub.
"Yeni Sabah" xəbər verir ki, “Rio-Aquariko” ilə matçda gutbolçu hakim köməkçisinə daş atıb.
Daş hakimin üzünə dəyərək ciddi xəsarət yetirib. Bundan sonra o, əməliyyat olunub. Hakimin sağalması üçün 60 günə qədər vaxt lazım ola bilər. İnternet mağaza
Ekvador Futbol Federasiyasının İntizam Komitəsi araşdırmadan sonra Perlasanı oyunun rəsmi şəxsinə fiziki hücumda təqsirli bilib. Perlasa 19 oktyabr 2034-cü ilədək futbolla bağlı bütün fəaliyyətlərdən kənarlaşdırılıb. “Syudad-de-Yantsasa” klubu isə 2 min dollar cərimələnib, həmçinin zərərçəkmiş hakimin müalicə xərcləri üçün əlavə 4369,73 dollar ödəməli olacaq.
Telegram kanalımız