“Layihə fəaliyyətini davam etdirir. Ötən tədris ilində “2School” xidmətindən 2 000-ə yaxın məktəbli istifadə edib. Yeni tədris ilində isə xidmət əhatəsinin genişləndirilməsi və ötən illə müqayisədə daha çox məktəbliyə xidmət göstərilməsi nəzərdə tutulur. Hazırda xidmət modeli təkmilləşdirilib və əməliyyat imkanları genişləndirilib. Yeni tədris ilindən etibarən bütün 2School avtobuslarında dayə xidməti də təmin olunacaq”.
Bu barədə “Yeni Sabah”ın sorğusuna cavab olaraq, “2school” startap şirkətindən məlumat verilib.
Şirkətdən bildirilib ki, yeni tədris ilində ötən illə müqayisədə bir neçə dəfə daha çox istifadəçiyə xidmət göstərilməsi nəzərdə tutulur: pizza mizza
“Hazırda 2School-un xidmət əhatəsinə dövlət məktəblərindən 6, 7, 8, 20, 23, 27, 132, 134, 164, 189 və 190 nömrəli məktəblər, həmçinin Elitar Gimnaziyanın 2 korpusu daxildir. Özəl məktəblər arasında Landau School-un 7 korpusu, Yaşam Məktəbi, SABAH.school, İstanbul məktəbinin 2 korpusu, British School Baku-nun 2 korpusu, Kanada məktəbi, Buckswood School və Simurq məktəbinin 5 korpusu yer alır. Dövlət məktəbləri ilə danışıqlar davam edir və yekun say sentyabrın əvvəlində dəqiqləşəcək.
Layihənin həm təkmilləşdirilməsi, həm də xidmət əhatəsinin genişləndirilməsi istiqamətində işlər davamlı olaraq aparılır. Yeni tədris ilində ötən illə müqayisədə bir neçə dəfə daha çox istifadəçiyə xidmət göstərilməsi nəzərdə tutulur”.
Xatırladaq ki, ötən il oktyabrın 1-dən etibarən Bakı şəhərində pilot mərhələdə "Məktəbli avtobusları" layihəsi icraya başlanmışdı. Layihənin ilkin mərhələsi 8 dövlət və 3 özəl məktəbi - ümumilikdə 11 təhsil müəssisəsini əhatə edirdi.
Telegram kanalımız
