Bakıda bazarlarda meyvə-tərəvəzin qiyməti artıb. Bahalaşma bölgələrdən də yan keçməyib. Məhsulların alış qiymətinin yüksək olması onların alıcılara da baha təklif edilməsinə səbəb olur.
"Yeni Sabah" Xəzər TV-yə istinadən xəbər verir ki, bazarlarda mövsümi məhsullar bol olsa da, qiymətlər yüksəkdir.
Satıcıların sözlərinə görə, bu il məhsullar ötən illə müqayisədə daha bahadır. Belə ki, qiymətlərdə minimum artım kiloqram başına 50 qəpikdən çoxdur. Dominos pizza
Satıcılar qiymət artımının müxtəlif səbəblərdən qaynaqlandığını bildirirlər. Onların sözlərinə görə, bahalaşma davam edə bilər.
Alıcılar isə ən çox meyvələrin bahalaşdığını qeyd edirlər.
İstehsalçıların sözlərinə görə, paytaxt bazarlarında məhsulların rayonlardakı qiymətlərlə müqayisədə daha baha satılmasının səbəbi daşınma və digər xərclərin məhsulun maya dəyərinə əlavə olunmasıdır.
Qeyd edək ki, iki həftə öncə həm balıq əti, həm Monqolustandan Azərbaycana gətirilən quzu əti, həm də ətin ən əlçatan növlərindən hesab olunan toyuq filesi bahalaşıb.
Telegram kanalımız
