Müğənni Nura Suri də uşaqpulunun verilib-verilməməsi ilə bağlı müzakirələrə qoşulub.
“Yeni Sabah”ın xəbərinə görə, o, bununla bağlı söz-söhbətlərin ürəkaçan mənzərə yaratmadığını deyib:
“İlk olaraq onu deyim ki, övladlarımı özəl xəstəxanalarda dünyaya gətirmişəm, özəl məktəblərdə oxutdurmuşam, peyvəndlərinə kimi özəl klinikalarda vurulub. Dövlətin pulsuz xidmətlərindən heç vaxt istifadə etməmişəm. Düşünürəm ki, imkanı olan şəxslərin çoxu belə edir. pizza hut
“Uşaq pulunu tələb edənlər ehtiyacı olan insanlardır. Həmin insanları təhqir edərək “pulun yoxdur, dünyaya uşaq gətirmə” kimi ifadələr işlətmək cahillikdir”.
Müğənni bildirib ki, hazırda bir ailədə 3 nəfərin normal yaşaması üçün ayda 1500 manat qazancı olmalıdır:
“Uşaq böyütmək maddi baxımdan o qədər çətindir ki, bir neçə ildən sonra heç kəs bir uşaqdan artıq övlad dünyaya gətirmək istəməyəcək.
Bir ailədə 3 nəfərin (ata, ana, uşaq) kreditə girmədən normal yaşaması üçün evə ayda ən az 1500 manat qazanc gəlməlidir. O da əgər həmin ailənin öz evi varsa, kredit və ya ipoteka ödənişi yoxdursa.
Xahiş edirəm, danışanda bir az diqqətli olun, insanları əzməyin. Düşünün, analiz edin, empatiya hissiniz olsun”.
Aydan Hacı
Telegram kanalımız
