“Əziz dostlar! Bu gün Mircavad Cavadovun ailəsinin yaxın dostları mənə zəng edərək bir neçə gün əvvəl onun məzarı başında çəkilmiş fotoşəkilləri göndərdilər. Fotoşəkillərdən görünür ki, məzarın ətrafındakı alaq otları, otlar və qurumuş budaqlar təmizlənib, ərazi səliqəyə salınıb və diqqətlə xırda çınqılla səpilib. Əslində, yeganə görüləsi iş də bu idi!!!”
Yeni Sabah” xəbər verir ki, bunu sənətşünaslıq və fəlsəfə doktoru, Prezident təqaüdçüsü Nigar Axundova bildirib.
O daha sonra qeyd edib: “Onlar məni ifrat sensasiya həvəskarlarını Mircavadovların ailə qəbiristanlığını bayağı mərmərlə “döşəmək” cəhdlərindən çəkindirməyə çağırıblar. Bu “sensasiyaçı” jurnalistlərin, görünür, xəbərsiz olduğu bir vacib məqam var. Sezar pizza
Mircavadın məzar daşını mərhum arvadı Lyuba müəyyən bir konsepsiyaya uyğun olaraq seçib. Bu, təsadüfi seçilmiş, yonulmamış daş və ya kiminsə diqqətsizliyinin nəticəsi deyil. Məhz bu kələ-kötür, təbii daş Mircavadın bədii konsepsiyasına, yaradıcı dünyagörüşünə və daxili üsyankar ruhuna uyğun gəlirdi.
Onun məzarı üzərində (hamının məzarında olduğu kimi) standart qara mərmər məzar daşı görmək tamamilə qeyri-təbii olardı. Bu abidə onun bədii irsinin bir hissəsi, estetikasının və şəxsiyyətinin davamıdır.
Bir neçə il sonra xanımı onunla eyni məzarda dəfn edildi – bu daşı onun istəklərinə uyğun olaraq seçən qadın.
Buna görə də, Mircavadın məzar daşını dəyişdirmək və ya əvəz etmək üçün edilən hər hansı bir cəhd yalnız səhv deyil, həm də onun son vəsiyyətinə və geridə qoyduğu bədii baxışına kobud müdaxilə olardı.
Bəzən, geniş açıqlamalar verməzdən əvvəl, sadəcə bir insanın tarixini bilmək və onun sənətini anlamaq kifayətdir”.
Xatırlatma: Əməkdar incəsənət xadimi Cavad Mircavadovun məzarına dair paylaşımı jurnalist Ülviyyə Heydərova edib.
“Ümid edirəm, böyük rəssamın məzarı aidiyyəti qurumlar, təşkilatlar tərəfindən nəzarətə götürülərək bərpa olunacaq. Sual oluna bilər ki, bəs, hanı Mircavadın ailəsi? Yoxdur ailəsi. Həyat yoldaşı Lyuba xanım bir neçə il əvvəl rəhmətə gedib. Yeganə oğlu, bildiyim qədərilə, Danimarkada yaşayır və ölkə ilə yaxından, uzaqdan əlaqəsi yoxdur”, - deyə o yazıb.
Jurnalist bildirib ki, milli və mənəvi dəyərlərə sahib çıxmaq cəmiyyətin üzərinə düşən məsuliyyətdir:
“Amma biz ki varıq. Ölkənin milli, mənəvi dəyərlərinə sahib çıxmağa ki gücümüz var”.
Bu paylaşımdan sonra Mədəniyyət Nazirliyi məsələni nəzarətə götürüb: "Mədəniyyət Nazirliyi tərəfindən görkəmli rəssam, Əməkdar incəsənət xadimi Cavad Mircavadovun məzarının vəziyyəti ilə bağlı məsələ diqqətə götürülüb".
Məzarın mövcud vəziyyəti aidiyyəti qurumlarla birgə nəzərdən keçiriləcəyi və zəruri tədbirlərin görülməsi imkanları qiymətləndiriləcəyi qeyd olunub: "Araşdırmanın nəticəsinə uyğun olaraq müvafiq addımlar atılacaq".
Əziz Rzazadə
Telegram kanalımız
