18 Avqust - 05:34
O, “dünya gözəli” elan olundu

O, “dünya gözəli” elan olundu

Dünya

13 Dekabr 2021 09:07 3378


Hindistan təmsilçisi Harnaz Sandhu “Dünya gözəli” gözəllik müsabiqəsinin qalibi olub.

“Report” xəbər verir ki, İsrailin Eylat şəhərində baş tutan tədbir bazar ertəsi gecə müsabiqənin yutubdakı səhifəsində yayımlanıb.

Üzgüçülük geyimi yarışmasından sonra mərasimin final hissəsinə 10 iştirakçı daxil olub, sonra onlardan yalnız 5-i münsiflər heyətinin aktual mövzularda suallarını cavablandırmaq və finala yaxınlaşmaq imkanı əldə edib. Bu mərhələdən sonra Hindistan, Paraqvay və Cənubi Afrika Respublikasından olan iştirakçılar qalıb, onlar konkret mövzuda qısa çıxış edəcəklər.

Müsabiqə iştirakçılarından müasir dünyada təzyiqlərlə üzləşməyə məcbur olan qızlara məsləhətlər vermələri istənilib. Qalib gənclərə özlərinə inanmağa, özünü başqaları ilə müqayisə etməməyə və dünyada baş verən mühüm hadisələr haqqında düşünməyə müraciətlə müraciət edib.

Harnaz Sandhu tacını Meksikadan olan sələfi Andrea Mesadan alıb. Müsabiqədə ikinci yerdə Cənubi Afrika Respublikası təmsilçisi qərarlaşıb.

Qeyd edək ki, 70-ci müsabiqədə dünyanın 80 ölkəsindən təmsilçilər iştirak edib. Müsabiqə ilk dəfədir İsraildə keçirilir.

Xatırladaq ki, daha əvvəl Meksika təmsilçisi Andrea Meza 2021-ci ilin "Dünya gözəli" müsabiqəsinin qalibi olub.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!