NATO ölkələrinin nümayəndələri NATO-nun baş katibi Yens Stoltenberqin varisinin namizədliyini aktiv şəkildə müzakirə edir.
Yenisabah.az xəbər verir ki, bu barədə “The New York Times” qəzeti adı açıqlanmayan ABŞ rəsmilərinə istinadən yazıb. Marqarita pizza
ABŞ nəşri qeyd edib: "ABŞ Ukrayna kökləri olan Kanadanın baş nazirinin müavini və maliyyə naziri Krista Frilanda üstünlük verir. Bu barədə Nəşrin həmsöhbətlərinin sözlərinə görə, səlahiyyət müddəti 2023-cü ilin payızında başa çatacaq Stoltenberqdən sonra alyansın rəhbəri postunu kimin tutacağı ilə bağlı NATO müttəfiqləri arasında artıq mübarizə başlayıb.
Onlar qeyd ediblər ki, NATO-ya konkret kimin rəhbərlik edəcəyi barədə danışmaq hələ tezdir, çünki bəzi namizədlər sonda alyansın digər üzvləri tərəfindən təsdiqlənməyə bilər.
Buna baxmayaraq, Vaşinqton Kanadanın baş nazirinin müavini, əvvəllər ölkənin xarici işlər naziri vəzifəsində çalışmış Kristiya Frilandı əsas namizəd hesab edir. Nəşrin yazdığına görə, Frilandın bir çox üstünlükləri var: o, rus və ukrayna da daxil olmaqla bir neçə xarici dildə danışır, mətbuat konfransları keçirməyi və ictimai çıxış etməyi bilir, “mürəkkəb şöbələrə” rəhbərlik edir. Bundan əlavə, Friland müvəffəqiyyət qazanarsa, NATO-ya rəhbərlik edən ilk qadın və ilk Kanada vətəndaşı olacaq.
Birləşmiş Ştatlar NATO-nun baş katibi vəzifəsinə öz namizədini təklif etmir, çünki alyansın Avropadakı qoşunlarına məhz amerikalı general rəhbərlik edir. Bu arada, nəşrin məlumatına görə, Avropa Birliyinin özündə alyansın gələcək lideri qadın siyasətçilər arasından seçilir.
Qəzet NATO-nun baş katibi postuna “güclü iddiaçılar” kimi Estoniyanın baş naziri Kaja Kallas, Slovakiya prezidenti Zuzana Çaputova və Xorvatiyanın keçmiş prezidenti Kolinda Qrabar-Kitaroviçin adını çəkir. Aİ-dən çıxan Britaniyadan müdafiə naziri Ben Uolles alyansda liderlik vəzifəsinə namizəd ola bilər.
Telegram kanalımız
