“İnter Mayami”nin hücumçusu Lionel Messi özü və ailəsi üçün 28 metrlik xüsusi lüks yaxta sifariş edib.
“Yeni Sabah” xəbər verir ki, bu barədə yaxtanın istehsalçısı olan “Sunreef Yachts” şirkəti məlumat yayıb.
Sifarişin dəqiq məbləği açıqlanmasa da, gəminin hazırda Birləşmiş Ərəb Əmirliklərindəki (BƏƏ) gəmiayırma zavodunda inşa edildiyi bildirilir. Sezar pizza
Xatırladaq ki, avqustun 31-də Argentina milli komandasındakı karyerasını rəsmən yekunlaşdırdığını elan edən 37 yaşlı ulduz oktyabrın 7-nə keçən gecə milli formada son matçına çıxıb. Beninlə qarşılaşma 3:0 hesabı ilə başa çatıb. Oyunda Otamendi və Niko Pas fərqlənib, Messi isə 71-ci dəqiqədə penaltini dəqiq yerinə yetirməklə yanaşı, iki məhsuldar ötürmə müəllifi olub.
Məlumat üçün bildirək ki, ABŞ-nin “İnter Mayami” klubuna transfer olunmazdan əvvəl PSJ və “Barselona”da çıxış edən Messi 4 dəfə Çempionlar Liqasını, 3 dəfə UEFA Superkubokunu və Klublararası Dünya Çempionatını qazanıb. Dünya futbolunun canlı əfsanəsi, həmçinin 8 dəfə “Qızıl top” mükafatına layiq görülüb./Qafqazinfo
Telegram kanalımız
