Rusiya səhiyyə qurumları fərdi qaydada hazırlanmış xərçəng peyvəndinin tətbiq edildiyi ilk pasiyentdə son dörd ay ərzində yeni şiş ocaqlarının əmələ gəlmədiyini rəsmən açıqlayıb.
“Yeni Sabah” xəbər verir ki, onkoloji xəstəliklərin müalicəsində yeni yanaşma hesab olunan bu preparat hər bir xəstənin fərdi genetik xüsusiyyətləri və şiş hüceyrələrinin spesifik strukturu əsasında xüsusi olaraq hazırlanır. Mütəxəssislərin bildirdiyinə görə, peyvəndin əsas məqsədi orqanizmin immun sistemini aktivləşdirərək xərçəng hüceyrələrini tanımasını və onları məhv etməsini təmin etməkdir.
İlk sınaq pasiyentində müşahidə olunan dörd aylıq sabitlik və xəstəliyin irəliləməsinin dayanması klinik tədqiqatların növbəti mərhələləri üçün mühüm göstərici kimi qiymətləndirilir. Tibb mütəxəssisləri bu nəticənin gələcəkdə onkoloji xəstələrin fərdi müalicə protokollarının genişləndirilməsinə yol açacağını bildirirlər. Onlayn mağaza
Nazim Hacıyev
Telegram kanalımız
