Beynəlxalq Robototexnika Federasiyasının (IFR) açıqladığı son hesabat sənaye avtomatlaşdırılmasında yeni dünya rekordunu ortaya qoyub.
“Yeni Sabah” xarici mediaya istinadən xəbər verir ki, qlobal miqyasda fabrik və zavodlarda fəal istifadə olunan sənaye robotlarının sayı ötən illə müqayisədə 9 faiz artaraq 5,08 milyona çatıb. Bu göstərici son yeddi il ərzində iki dəfədən çox artım deməkdir və son 30 ilin ən yüksək zirvəsi hesab olunur. Qlobal miqyasda illik yeni robot quraşdırılması da 11 faiz yüksələrək ilk dəfə 600 min həddini aşıb.
Bölgələr üzrə mənzərəyə nəzər saldıqda, Asiya və Şimali Amerika bazarları kəskin böyüməyə liderlik etdiyi halda, Avropada artım tempinin zəiflədiyi müşahid olunur. Dünya üzrə yeni robot quraşdırılmasının 59 faizini təkbaşına həyata keçirən Çin 354 min yeni robotla açıq-aşkar liderliyini qoruyur. ABŞ isə illik 12 faizlik artımla Yaponiyanı geridə qoyaraq ikinci pilləyə yüksəlib. Dominos pizza
Avropada isə avtomobil sektorundakı durgunluq səbəbindən yeni robot alımları zəifləyib; Almaniya regionun lideri olaraq qalsa da, burada da yeni quraşdırmalar 8 faiz geriləyib.
Telegram kanalımız
