Azərbaycan Kinematoqrafçılar İttifaqının üzvü, rejissor və ssenarist Yefim Abramov vəfat edib.
“Yeni Sabah” xəbər verir ki, rejissor 78 yaşında dünyasını dəyişib.
Qeyd edək ki, Yefim Abramov 14 avqust 1948-ci ildə Bakıda anadan olub. 1980-ci ildə Ümumittifaq Dövlət Kinematoqrafiya İnstitutunu bitirib. O, İqor Talankin və Georgi Daneliyanın kursunda təhsil alıb. pizza mizza
Abramov 1980–1990-cı illərdə “Azərbaycanfilm” kinostudiyasında rejissor kimi fəaliyyət göstərib. O, müxtəlif janrlı filmlərin ərsəyə gəlməsində iştirak edib.
Rejissorun filmoqrafiyasına “Qorxma, mən səninləyəm!” (1981), “Əzablı yollar” (1982), “Qocalar, qocalar” (1982), “Araqarışdıran” (1987) və “Lətifə” (1989) kimi ekran əsərləri daxildir. “Araqarışdıran” filminin həm rejissoru, həm də ssenari müəllifi olub.
Yefim Abramov, həmçinin xarici film istehsalında iştirak edib. O, Vladimir Krasnopolski və Valeri Uskovun rejissorluğu ilə çəkilmiş “Verona səması altında” (2004, Rusiya–İsrail) serialının ssenari müəlliflərindən biri olub.
Aydan Hacı
Telegram kanalımız
