Vitamin çatışmazlığı yorğunluq, əzələ zəifliyi, keyimə, dəri dəyişiklikləri, görmə problemləri, asanlıqla göyərmə və diş əti qanaması kimi müxtəlif əlamətlərlə özünü göstərə bilər.
"Yeni Sabah" xəbər verir ki, A vitamini çatışmazlığı gecə görməsinə təsir edə, B12 vitamini çatışmazlığı isə anemiya və nevroloji əlamətlərə səbəb ola bilər. C vitamini çatışmazlığı qanaxma və yaraların gec sağalması ilə nəticələnə, D vitamini çatışmazlığı isə sümük və əzələ problemlərinə yol aça bilər.
Mütəxəssislər bildirirlər ki, sadalanan əlamətlərin heç biri təkbaşına vitamin çatışmazlığını təsdiqləmir. Eyni şikayətlər müxtəlif xəstəliklər zamanı da müşahidə oluna bilər. pizza mizza
Bundan əlavə, vitaminlərin ehtiyac olmadan və yüksək dozada qəbul edilməsi də sağlamlıq üçün risk yarada bilər. Uzun müddət davam edən və ya nəzərəçarpan şikayətlər zamanı vitamin çatışmazlığının müvafiq müayinə və laboratoriya testləri ilə müəyyənləşdirilməsi tövsiyə olunur.
Vitamin əlavələrinin isə yalnız ehtiyac olduğu halda və mütəxəssis məsləhəti ilə qəbul edilməsi daha məqsədəuyğundur.
Məlumatda NIH Office of Dietary Supplements, MedlinePlus, Ümumdünya Səhiyyə Təşkilatı (WHO) və Böyük Britaniyanın Milli Səhiyyə Xidmətinin (NHS) məlumatlarından istifadə olunub.
Aytac Əliyeva
Telegram kanalımız
