Tam taxıllı qidaların müntəzəm qəbulunun ürək-damar və metabolik sağlamlığa müsbət təsir göstərə biləcəyi müəyyən edilib.
“Yeni Sabah” xəbər verir ki, “European Heart Journal”da dərc olunan araşdırmaya əsasən, gündə təxminən 90 qram, yəni 3-6 porsiya tam taxıl məhsulu qəbul edən insanlarda ürək-damar xəstəlikləri ilə əlaqəli bəzi göstəricilərdə kiçik, lakin əhəmiyyətli yaxşılaşmalar müşahidə olunub.
Araşdırmada tam taxıl qəbulunun ümumi xolesterin, “pis” xolesterin hesab olunan LDL, qan təzyiqi, bədən çəkisi və bel çevrəsinə müsbət təsir göstərə bildiyi qeyd edilib. Toyuqlu pizza
Mütəxəssislər qidalanmaya yulaf əzməsi, qəhvəyi düyü, tam buğda çörəyi, kinoa və şəkərsiz partladılmış qarğıdalı kimi məhsulların əlavə edilməsini tövsiyə edirlər.
Bununla yanaşı, yalnız tam taxıllı qidalar qəbul etməyin sağlam qidalanma üçün kifayət etmədiyi vurğulanır. Balanslaşdırılmış qidalanma və müxtəlif qida qruplarının rasionda yer alması da vacibdir.
Araşdırmada marketlərdə “çox taxıllı” və ya “tam taxıldan hazırlanıb” adı ilə satılan bəzi məhsulların əslində əsasən rafinə edilmiş undan ibarət ola biləcəyi də diqqətə çatdırılıb. Buna görə məhsul alarkən tərkib siyahısına baxmaq və siyahının ilk sıralarında tam taxılın yer aldığı məhsullara üstünlük vermək tövsiyə olunur.
Aydan Hacı
Telegram kanalımız
