İran ABŞ-ın Tehrana qarşı elan etdiyi "iqtisadi müharibə"yə qoşulan istənilən ölkəyə qarşı cavab tədbirləri ilə hədələyib. Bu bəyanat Vaşinqtonun İran iqtisadiyyatına təzyiqi artıra biləcək yeni sanksiyalar tətbiq etməyə hazırlaşdığı bir vaxtda verilib.
"Yeni Sabah" IRIB-ə istinadla xəbər verir ki, İranın Ali Milli Təhlükəsizlik Şurasının katibi Möhsün Rzayi qonşu dövlətlər də daxil olmaqla bütün ölkələri ABŞ-ın iqtisadi məhdudiyyətlərini dəstəkləməməyə çağırıb.
"Bizə qarşı iqtisadi məhdudiyyətlər tətbiq etməkdə iştirak edən istənilən ölkə düşmən hesab ediləcək", - Rzayi "seysmik" cavabla hədələyərək deyib. pizza mizza
Onun sözlərinə görə, İranın strategiyası üç mərhələdən ibarətdir. Birincisi, Tehran danışıqlar aparmaq və müvafiq ölkələri ABŞ-dan uzaqlaşmağa çağırmaq niyyətindədir. Əgər bu uğursuz olarsa, Rzainin sözlərinə görə, İran bu ölkələrin maraqlarına hücumlara keçəcək.
Bu bəyanat ABŞ Prezidenti Donald Trampın İrana qarşı "ən dağıdıcı iqtisadi əməliyyat"a hazırlıqları elan etməsindən və Tehranı dəstəkləyən ölkələr üçün ağır iqtisadi nəticələr vəd etməsindən bir neçə gün sonra verilib.
ABŞ maliyyə naziri Skott Bessent ertəsi gün təzyiqi artıraraq deyib: "Ya bizimləsiniz, ya da bizə qarşısınız". O, Çini əməkdaşlığa çağırıb, çünki ölkə İranın neft ixracatının 80%-dən çoxunu alır.
Gərginləşmə fonunda Misir İran və ABŞ-ı diplomatiyaya qayıtmağa və təxminən altı aydır davam edən münaqişəyə son qoymağa səsləyib.
Telegram kanalımız
