Ermənistanın Baş naziri Nikol Paşinyana qarşı təhdidlərin yer aldığı video ilə bağlı cinayət işi başlanıb.
“Yeni Sabah" Armenpress-ə istinadla xəbər verir ki, bu barədə Ermənistan İstintaq Komitəsi məlumat yayıb.
Bir qrup şəxs tərəfindən qətlə hazırlıq, kompüter təxribatı və odlu silah-sursatın qanunsuz dövriyyəsi ilə bağlı cinayət işləri başlanıb. Toyuqlu pizza
Onların şəxsiyyətinin müəyyən edilməsi üçün ilkin istintaq aparılır.
Qeyd edək ki, mayın 18-də sosial şəbəkələrdə yayılan videoda əli avtomatlı silahlı şəxslər Ermənistan və qondarma “Artsax”ın bayraqları fonunda Baş nazir Nikol Paşinyana qarşı təhdid səsləndirərək, onu ölümlə hədələyiblər.
Videoda Paşinyana xitabən “hər şeyə görə cavab verəcəksən” deyilir.
Baş nazir Nikol Paşinyan Vətəndaş Müqaviləsi Partiyasının seçkiqabağı kampaniyası zamanı videoya cavab verib. Baş nazir onu təhdid edən şəxslərin məsuliyyətə cəlb olunacağını vurğulayıb.
Telegram kanalımız
