Dini Qurumlarla İş üzrə Dövlət Komitəsi bəzi sosial şəbəkə platformalarında Bakı şəhərində fəaliyyət göstərən “İmam Hüseyn” məscidinin həyətinə avtomobillərin ödəniş müqabilində buraxılması ilə bağlı yayılan iddialara münasibət bildirib.
“Yeni Sabah”ın sorğusuna cavab olaraq qurumdan qeyd edilib ki, sözügedən avtodayanacaq məscidin ərazisinə daxil deyil və dini ibadət yerindən kənarda fəaliyyət göstərir.
Nəqliyyat vasitələrinin saxlanılması müqabilində vətəndaşlardan ödəniş tələb edən şəxsin də məscidlə heç bir əlaqəsi yoxdur. pizza mizza
Komitədən vurğulanıb ki, məsələ ilə bağlı yayılan məlumatlar həqiqəti əks etdirmir.
Xatırlatma: sosial mediada yayılan görüntülərdə “İmam Hüseyn” məscidinə daxil olmaq istəyən şəxslərdən pul tələb olunub.
Görüntləri çəkən şəxslər bildirib ki, onlar məscidin yaxınlığında idmanla məşğul olublar və daha sonra məsciddən əl-üzülərini yumaq üçün istifadə etmək istəyiblər, bu zaman onlardan pul tələb olunub.
Əvvəllər bu məsciddə mərhum Hacı Əbdül Əbdülovun "Tövbə" cəmiyyəti yerləşib.
Aytəkin Əzizqızı
Telegram kanalımız
