Rəsmi İrəvan Rusiya ilə Ermənistan dəmir yollarının konsessiya idarəçiliyi ilə bağlı müqaviləni ləğv etmək üçün vasitələrə malikdir.
"Yeni Sabah" Infocom-a istinadla xəbər verir ki, bunu Baş nazir Nikol Paşinyan bildirib.
"Hökumətin konsessiya müqaviləsini ləğv etmək üçün vasitələri və hətta əsaslandırması var. Vaxtı gələndə bu barədə danışacağıq. Bu gün konsessiya müqaviləsini ləğv etmək üçün siyasi qərar qəbul etsək, bunun üçün hüquqi əsas mövcuddur. Məsələ siyasi qərarla bağlıdır". pizza hut
Paşinyan əlavə edib ki, Ermənistan bu yolla getmək istəmir: "Biz dostcasına yol seçmək istəyirik. Rusiyalı həmkarlarımızdan konsessiya hüquqlarını həm Rusiya, həm də Ermənistan üçün məqbul olan üçüncü bir ölkəyə satmağı xahiş etmişik və etməyə davam edirik".
Baş nazir əvvəllər Rusiyanın Ermənistan dəmir yollarına konsessiya hüquqlarını təxminən 400 milyon dollara satma ehtimalının olduğunu bildirmişdi. Onun sözlərinə görə, Rusiya Ermənistan dəmir yollarını idarə etməyə davam edərsə, ölkə beynəlxalq dəmir yolu şəbəkələrinə inteqrasiya imkanlarını itirəcək.
Xatırlatma: Ermənistanda fəaliyyət göstərən Cənubi Qafqaz Dəmir Yolu (CQD) QSC "Rusiya Dəmir Yolları"nın tam mülkiyyətində olan törəmə müəssisəsidir. Cənubi Qafqaz Dəmir Yolları 2008-ci ildə "Rusiya Dəmir Yolları" ilə Ermənistan arasında imzalanmış konsessiya müqaviləsi çərçivəsində Ermənistanın dəmir yolu nəqliyyat sistemini idarə edir. Müqavilə 30 il müddətinə imzalanıb və əlavə 10 il uzadılması imkanı var.
Telegram kanalımız
