ABŞ Prezidenti Donald Tramp və xanımı Melaniya Tramp televiziya aparıcısı Cimmi Kimmelin işdən çıxarılmasını tələb ediblər.
“Yeni Sabah” AP-yə istinadla xəbər verir ki, buna səbəb aparıcının ABC telekanalında yayınlanan “Jimmy Kimmel Live!” proqramında birinci xanım haqqında etdiyi mübahisəli zarafat olub
Kimmel Melaniya Trampı “dul qadının parlaqlığına sahib” kimi səciyyələndirib.
Bu ifadə aparıcının verilişdə “Ağ Ev müxbirləri” Assosiasiyasının ənənəvi şam yeməyində çıxış edirmiş kimi hazırladığı komediya hissəsində səsləndirilib.
Melaniya Trampın sosial şəbəkədə “Kimmel kimi şəxslərin nifrət yaymaq imkanı olmamalıdır” paylaşımını Donald Tramp da dəstəkləyib.
Aparıcı isə cavabında zarafatın yaş fərqinə yönəldiyini və zorakılığa çağırış olmadığını vurğulayıb.
ABC telekanalı məsələ ilə bağlı hələlik açıqlama yaymayıb.
Telegram kanalımız
