Ukraynanın müdafiə naziri Mixail Fedorov vəzifəsindən ayrılır.
"Yeni Sabah" xəbər verir ki, o, bu barədə özünün Telegram kanalında yazıb.
"Ukrayna xalqına müdafiə naziri vəzifəsində xidmət etmək mənim üçün böyük şərəf idi. Ukraynanı müdafiə edən və qələbə naminə çalışan hər kəsə təşəkkür edirəm. Effektiv şəkildə sutka ərzində 24/7 xidmət göstərən bütün komandama minnətdaram. pizza
Mən bundan əvvəl Müdafiə Nazirliyinə gəldiyim missiya naminə çalışmağa davam edəcəyəm - düşməni asimmetrik yanaşma, innovasiyaların sürəti və təşkilati güc hesabına məğlub etmək üçün", - deyə Fedorov bildirib.
O, rəhbərliyi dövründə nazirliyin əldə etdiyi nəticələri də sadalayıb. Fedorovun sözlərinə görə, Müdafiə Nazirliyi innovativ silah sistemlərinə səmərəli investisiyalar yatırıb, dronların alınmasını əhəmiyyətli dərəcədə artırıb, Rusiya istiqamətində "logistika blokadası" layihəsinə başlayıb və Krımın təcrid olunması prosesini gücləndirib.
Nazir həmçinin bildirib ki, qurum partlayıcı maddələr və raket istehsalçıları üçün genişmiqyaslı qrant proqramına başlayıb, Avropalı tərəfdaşlarla bir sıra mühüm müdafiə müqavilələri imzalayıb və ordunun transformasiyası prosesinə start verib.
Daha əvvəl Ukrayna mediası yeni müdafiə naziri vəzifəsinə keçmiş daxili işlər naziri İqor Klimenkonun namizədliyinin nəzərdən keçirildiyini yazmışdı./Report
Telegram kanalımız
