Azərbaycan banklarında 1 illik manat əmanətləri üzrə təklif olunan illik faiz dərəcələri məlum olub.
“Yeni Sabah” xəbər verir ki, ən yüksək gəlirlilik müddətin sonunda ödənilən faizlər üzrə Rabıtəbank (11%), AFB Bank (10.5%) və Xalq Bankda (10.5%) qeydə alınıb.
Aylıq faiz götürmək istəyənlər üçün ən yüksək təklif 10% ilə AFB Bank və Xalq Bank tərəfindən təqdim olunur. Onları 9.75% göstərici ilə Rabıtəbank və Bank of Baku izləyir. Toyuqlu pizza
İllik 10% və daha yüksək gəlir təklif edənlər: Rabıtəbank (aylıq 9.75% / sonunda 11%), AFB Bank (aylıq 10% / sonunda 10.5%), Xalq Bank (aylıq 10% / sonunda 10.5%), Bank of Baku (aylıq 9.75% / sonunda 10.25%), Bank VTB, Expressbank, Leobank, Yapı Kredi Bank və Ziraat Bank (sonunda 10%).
İllik 9% - 9.75% arası gəlir təklif edənlər: Bank Avrasiya (aylıq 9% / sonunda 9.75%), Yelo Bank (aylıq 9% / sonunda 9.5%), Premium Bank (aylıq 9% / sonunda 9.5%), Kapital Bank (aylıq 8% / sonunda 9.5%), TuranBank, AccessBank, Unibank və ABB (sonunda 9%).
İllik 7% - 8.5% arası gəlir təklif edənlər: Azər Türk Bank və Bank Respublika (aylıq 8% / sonunda 8.5%), PAŞA Bank (aylıq 7.5% / sonunda 7.75%), ASB Bank (aylıq 6% / sonunda 7%).
Qeyd edək ki, milli valyutada qorunan əmanətlər üzrə illik faiz dərəcəsinin yuxarı həddi 12% təşkil edir və fiziki şəxslərin 100.000 AZN-dək olan əmanətləri dövlət tərəfindən sığortalanır.
PAŞA Bank üzrə qeyd olunan göstəricilər rəqəmsal depozitlərə şamil edilir. Kapital Bank-da isə 5000 AZN-dək olan əmanətlər filiallarda rəsmiləşdirildikdə faiz dərəcələri 1% aşağı hesablanır.
Telegram kanalımız
