Elektrikli avtomobillərdə saatlarla davam edən batareya dolum müddətləri yeni nəsil hüceyrə texnologiyaları sayəsində tarixə qarışır.
“Yeni Sabah” xarici mediaya istinadən xəbər verir ki, zirvədəki modelin 4 dəqiqə 22 saniyəyə tam enerji topladığı sektorda ən sürətli 12 modelin cari siyahısı müəyyənləşib. Yeni nəsil batareya arxitekturasına malik elektrikli avtomobillərin enerji toplama müddəti 4 dəqiqə 22 saniyəyə qədər enərək yeni bir həddi keçib. Əvvəllər batareyanı 10%-dən 80%-ə qədər doldurmaq üçün 40 dəqiqəyə yaxın vaxt tələb olunurdusa, yüksək axınlı yeni infrastrukturlar sayəsində bu müddət dəqiqələr səviyyəsinə düşüb.
Elektrikli avtomobil sektorunda uzun dolum müddətləri istifadəçilərin əsas tərəddüd nöqtələrindən biri olaraq qalsa da, litium batareya kimyasındakı yeni addımlar prosesi sürətləndirib. İnkişaf etdirilən “Golden Brick” batareya texnologiyası hüceyrələrin həddindən artıq qızmadan çox yüksək elektrik axınını qəbul etməsini təmin edərək dolum sürətini rekord səviyyəyə qaldırıb. Bu təchizata malik Lynk & Co 10 EV 10%-dən 70%-ə qədər doluluq səviyyəsinə cəmi 4 dəqiqə 22 saniyədə çatmaqla siyahının ilk pilləsində qərarlaşıb. pizza hut
Dəqiqələrlə ölçülən doldurulma sürətlərinin arxasında 800 volt və daha yüksək elektrik infrastrukturu dayanır. Sistem gərginliyinin 897 volta qədər artırılması kabel və batareya üzərində yaranan istilik yükünü nəzarət altında saxlamağa və fasiləsiz olaraq yüksək güc ötürməyə imkan verir. Doldurma stansiyalarında isə 350 kW ilə 525 kW aralığında yüksək çıxış gücünə malik DC sürətli doldurma qurğuları batareyaların dəqiqələr ərzində yüksək doluluq nisbətlərinə çatmasını mümkün edir.
Zirvədəki modelin ardınca gələn DENZA Z9GT EV hazırladığı “FLASH Charging” sistemi ilə 10%-dən 97% doluluğa 9 dəqiqəyə çatması ilə diqqət çəkib. XPeng və Xiaomi modelləri isə 10%-80% aralığını 12 dəqiqəyə tamamlayaraq bazarın ön sıralarında yer alıb. Xiaomi SU7 Max 897 voltluq arxitekturası və 5.2C doldurma əmsalı ilə yüksək tutumlu enerji toplamanı qısa müddətdə tamamlayan diqqətçəkən modellər sırasındadır.
Ənənəvi avtomobil nəhənglərinin performansı
Avropalı və Cənubi Koreyalı istehsalçılar da yüksəksürətli enerji toplama yarışında mövqelərini qoruyurlar. Porsche Taycan, Hyundai IONIQ 6 və Kia EV6 kimi modellər 10%-dən 80%-ə təxminən 18 dəqiqəyə çatır.
Volvo EX60 və smart #5 modelləri isə 370 kW və 400 kW doldurma tutumları sayəsində batareyalarını 16-18 dəqiqə ərzində doldura bilir.
Ən sürətli enerji toplayan 12 elektrikli avtomobilin siyahısı:
1. Lynk & Co 10 EV: 4 dəq 22 san (10%-70% | Golden Brick sürətli dolum batareyası)
2. DENZA Z9GT EV: 9 dəq (10%-97% | FLASH Charging)
3. XPeng G9 (yeni nəsil): 12 dəq (10%-80% | 800V - 525 kW DC)
4. Xiaomi SU7 Max (2026): 12 dəq (10%-80% | 897V - 5.2C)
5. XPeng G9L (BEV versiyası): 12 dəq (10%-80% | 800V - 5C)
6. Zeekr 7GT (75 kWh): 13 dəq (10%-80% | 800V - 390 kW stansiya)
7. Volvo EX60 P10 AWD: 16 dəq (10%-80% | 370 kW)
8. MG IM5: 17 dəq (10%-80% | 396 kW)
9. smart #5 (100 kWh): 18 dəq (10%-80% | 400 kW)
10. Hyundai IONIQ 6: Təxminən 18 dəq (10%-80% | 350 kW stansiya)
11. Kia EV6 (63 kWh): 18 dəq (10%-80% | 195 kW)
12. Porsche Taycan: 18 dəq (10%-80% | 320 kW)
Telegram kanalımız
