UEFA Çempionlar Liqasının əsas mərhələsinə vəsiqə qazanan "Sabah" futbol klubunun baş məşqçisi Valdas Dambrauskas AzTV-yə müsahibə verib.
"Yeni Sabah" xəbər verir ki, litvalı mütəxəssis komandasının tarixi uğurundan, qarşıdakı hədəflərdən və azarkeş dəstəyindən danışıb.
"Biz qrup mərhələsinə vəsiqə qazandıq. Bu, futbolda əldə edilə biləcək ən böyük nailiyyətlərdən biridir. Biz bunu çox istəyirdik. Yəqin ki, bu, hər bir oyunçunun, hər bir məşqçinin böyük arzusu, böyük istəyidir. Rəqiblərimizə qarşı mübarizə aparmalı, döyüşməliyik. Əlbəttə, asan olmayacaq. Amma necə mübarizə aparacağımızı bilmək üçün həll yollarını tapmalıyıq", - deyə baş məşqçi bildirib. pizza mizza
Valdas Dambrauskas "Sabah"ın Çempionlar Liqasındakı rəqiblərindən çəkinmədiyini də xüsusi vurğulayıb:
"Biz heç kimdən çəkinmirik. Əlbəttə, nəticələrin necə olmasından asılı olmayaraq, ən yaxşı oyunumuzu göstərməyə çalışacağıq. Unutmamalıyıq ki, bizi buralara nə gətirib: çox çalışmaq, hər gün məşqlərdə göstərdiyimiz yüksək performans. Çalışacağıq ki, yenə yüksək performans göstərib yaxşı nəticələr əldə edək".
Daha ətraflı videomaterialda:
Telegram kanalımız
