"Sabah"ın baş məşqçisi Valdas Dambrauskas Çempionlar Liqasında "Mançester Yunayted"ə 0:4 hesabı ilə uduzduqları oyundan sonra fikirlərini bölüşüb.
“Yeni Sabah” xəbər verir ki, litvalı mütəxəssis bu səviyyədəki debütün vacib bir təcrübə olduğunu vurğulayıb:
"Müsbət məqamları götürüb mənfi məqamlardan dərs çıxarmalıyıq. Bu səviyyədə həm komanda, həm də mənim üçün ilk oyun idi. Topa sahib olduğumuz və yaxşı ritm tutduğumuz anlar oldu. Amma xüsusilə top itkilərində və diaqonal ötürmələrdə gecikdik. Futbol məkan və zaman oyunudur, biz bu mübarizədə bir qədər uduzduq". Sezar pizza
Dambrauskas rəqibin üstünlüyünü etiraf edərək əlavə edib ki, komandasının göstərdiyi ən yaxşı performans bu səviyyə üçün kifayət etməyib. O, "Mançester Yunayted"i təbrik edərək gələcək oyunlarda uğurlar arzulayıb.
Nazim Hacıyev
Telegram kanalımız
