Cari il ərzində “ƏDV geri al” layihəsi çərçivəsində vətəndaşlara ödənilən vəsaitin həcmi 12 faiz genişlənərək 157 milyon manat təşkil edib.
“Yeni Sabah” xəbər verir ki, bu barədə İqtisadiyyat Nazirliyinin Aparat rəhbəri Elvin Camalov parlamenti İqtisadi siyasət, sənaye və sahibkarlıq komitəsində 2027-ci ilin dövlət büdcəsi layihəsinin müzakirələri zamanı məlumat verib.
Nazirlik rəsmisi vurğulayıb ki, 2018-ci ildən etibarən ölkədə fəal vergi ödəyicilərinin sayı 2 dəfə, ƏDV ödəyicilərinin sayı 3,5 dəfə, fəaliyyətdə olan obyektlərin sayı isə 1,7 dəfə çoxalıb. E.Camalovun sözlərinə görə, bu müsbət dinamika bu il də davam edib və hazırda ölkə üzrə vergi ödənişlərinin 93 faizi könüllü şəkildə həyata keçirilir. pizza mizza
Telegram kanalımız
