Braziliyanın "Korintians" klubundan ayrılan niderlandlı hücumçu Memfis Depay keçmiş komandası ilə məhkəmə müstəvisində üz-üzə gəlməyə hazırlaşır.
“Yeni Sabah” xəbər verir ki, Niderland millisinin futbolçusu maliyyə öhdəliklərinin yerinə yetirilməməsi səbəbindən Braziliya təmsilçisinə qarşı hüquqi proses başlatmaq qərarına gəlib.
Münaqişənin əsas səbəbi San-Paulo klubunun təcrübəli forvarda olan təxminən 20 milyon dollar civarındakı ödənilməmiş borcudur. Sezar pizza
Depay "Korintians"da çıxış etdiyi dövrdə maaş, xüsusi bonuslar və imic hüquqları üzrə ödənişlərin mütəmadi olaraq gecikdirildiyini bildirib.
Niderlandlı futbolçunun hüquqi nümayəndələri ödənilməmiş məbləğin, eləcə də müqavilə şərtlərinin pozulmasına görə qanuni faiz və təzminatların tam şəkildə ödənilməsini tələb edir.
Telegram kanalımız
