"Sabah" klubu UEFA Çempionlar Liqasında əsas mərhələyə vəsiqə qazanıb.
“Yeni Sabah” xəbər verir ki, ölkə çempionu pley-off mərhələsinin cavab oyununda İsrailin "Hapoel"ini (Beer-Şeva) qəbul edib.
Tofiq Bəhramov adına Respublika stadionundakı qarşılaşma Azərbaycan təmsilçisinin 5-2 hesablı qələbəsi ilə bitib. pizza hut
"Sabah" klubunun UEFA Çempionlar Liqasının əsas (liqa) mərhələsinə vəsiqə qazanması klubun büdcəsinə rekord məbləğdə maliyyə vəsaitinin daxil olmasını təmin edir.
UEFA-nın müəyyənləşdirdiyi mükafat fonduna əsasən, "Sabah" klubunun əldə edəcəyi gəlirlərin bölgüsü aşağıdakı kimidir:
Əsas mərhələdə iştirak payı: Çempionlar Liqasının əsas mərhələsinə vəsiqə qazanan hər bir klub minimum 18,62 milyon avro (təxminən 36,5 milyon manat) baza mükafatı əldə edir.
Turnirin yeni formatına əsasən, əsas mərhələdə keçiriləcək oyunlardakı nəticələrə görə əlavə qazanclar nəzərdə tutulub:
Hər qələbə üçün: 2,1 milyon avro
Hər heç-heçə üçün: 700 min avro
Son yekun cədvəl bonusu: Əsas mərhələnin sonunda tutduğu mövqeyə uyğun olaraq kluba əlavə bonuslar ödənilir.
Turnir cədvəlini ilk 24-lükdə bitirmə bonusu: Pley-off və ya birbaşa 1/8 finala yüksəlmə hallarında əlavə milyonlarla avro gəlir əldə olunur.
Yayım və marketinq gəlirləri (Value Pillar): Klubun 10 illik UEFA reytinqi və televiziya yayım hüquqlarının payına əsasən əlavə vəsait ayrılır.
Ümumən "Sabah" turnirdə heç bir xal qazanmasa belə, ən azı 18,62 milyon avro qazanmağı zəmanət altına alıb. Uğurlu nəticələr və əlavə gəlir payları ilə bu məbləğin daha da artması gözlənilir.
Nazim Hacıyev
Telegram kanalımız
