Şair-yazıçı Həmid Herisçi “Təpəgöz” adlı bir az satirik və eyni zamanda düşündürücü şeir yazıb. Metaforalarla zəngin olan şeirdə müəllif “təpəgöz” ifadəsindən simvol kimi istifadə edib və əslində hər birimizin içində bir təpəgöz olduğuna işarə verir.
Şairin “Yeni Sabah”a təqdim etdiyi şeiri oxucuların ixtiyarına buraxırıq.
TƏPƏGÖZ Toyuqlu pizza
Uşaqkən, məktəbdə, polis məntəqəsində
Tez-tez
ölülüyə vurardıq
özümüzü.
Əvvəl bərk-bərk yumardıq
Hər iki gözümüzü.
Sonra tez də açardıq, aralardıq bir
Gözümüzü.
Görərdik ətrafımızdakılar
Kordu və kar.
Mədəniyyət naziridir
Bütün cinayətlərə
Baiskar. Səbəbkar.
Bir dəfə bufetçı Fatma xalaya
O bir gözumlə bərk yalvarmışdım:
- Oğlun Elçinə xatir, elə et, polislər məni tutmasınlar!
Sonra o bir gözümlə gorürdüm
Orda ancaq künc- bucaqda nəsə var
Adamaoxşar.
Deyirdim:
- "Qanun" nəşriyyatinda da var
Qanunsuzluqlar!
Daxilimizdəki Təpəgözü
ilk dəfə bu cür tapdıq
Özümüzdə...
O Təpəgözü yedirdik öz acı ödümuzlə!
İlqar Fəhmi, Rəşad Məcidi gördük
Ağır dəmir seyfi necə itəlyirlər küncə
Ofisimizdə!
Hiss etdik, o tək göz də,
O Təpəgöz də,
Sözdə
Bizə deyə- deyə "Döz də, döz də"
Necə bizi kopiyalayir 3D ölçüsündə!
Kölgələrimiz də,
yaşamaq istəmir
İtaətimizdə!
Millət vəkilləri sevişirlər
Sifilislə!
Allah məni Bakıda öldür,
Dirilt Təbrizdə!
Göylərim, gözlərim ulduz istəyir,
Oxumağa Hafiz istəyir.
Şeiri tam azad, tam qafiyəsiz istəyir.
Aqşini, Aqşinsiz istəyir,
Telefona təzə blutuz istəyir,
Zənci müğənnidən məstedici blüz istəyir
Sevməyə bir qız istəyir...
o vaxtdan
İki gözümüzdən biri
Tam qey-ri-sə-mi-mi-dir.
Və bu dərd
ümummillidir.
Telegram kanalımız
