İdman geyimləri nəhənginin səhmləri bazar ertəsi günü 4 faizdən çox dəyər itirərək 39 dollar səviyyəsinə düşdü və 2014-cü ildən bəri ən aşağı səviyyəsinə enmiş oldu.
“Yeni Sabah” xarici mətbuata istinadən xəbər verir ki, Nike səhmləri bazar ertəsi günü 4 faizdən çox geriləyərək təxminən 39 dollar səviyyəsinə düşdü və 2014-cü ildən bəri ən aşağı bağlanışını reallaşdırdı. Şirkətin 2021-ci ilin noyabr ayında gördüyü 177,51 dollarlıq zirvədən təxminən 78 faiz aşağıda olması investorları narahat etdi.
Şirkətin CEO-su Elliott Hill dövründə "biznesin sağlamlığını və keyfiyyətini yaxşılaşdırmaq" məqsədilə müxtəlif addımlar atılmış olsa da, bərpanın bölgələrə və məhsul qruplarına görə fərqli sürətlə irəlilədiyi Nike-ın öz açıqlamalarında da əks olunur. Bazar şirkətin uzun müddətdir davam edən transformasiya prosesinin nə dərəcədə uğurlu olacağı ilə bağlı ehtiyatlı mövqe nümayiş etdirir. pizza
Çin bazarındakı problemlər Nike-ı ən çox çətinliyə salan hissə oldu. Şirkətin 2026-cı maliyyə ili nəticələrində Böyük Çin (Greater China) regionunun illik gəliri 20 faiz azalaraq 1,278 milyard dollara gerilədi. Avropa, Yaxın Şərq və Afrika regionunda da illik gəlir 6 faiz düşdü. Buna qarşı Şimali Amerikadakı göstəricilər daha güclü qaldı.
Çindəki yerli markaların güclənməsi və istehlakçıların seçimlərini daha sürətlə dəyişməsi, Nike-ın dünyanın ən mühüm idman geyimləri bazarlarından birindəki mövqeyini çətinləşdirdi. Bu vəziyyət şirkətin yalnız satışlarına deyil, brend qavrayışına və gələcəkdəki böyümə gözləntilərinə də təsir edir.
Cəlalə Cəlalqızı
Telegram kanalımız
