Əvvəlcə Avropa və ABŞ-də, daha sonra Türrkiyədə yeniyetmələr arasında və sosial mediada sürətlə yayılan mənasız trend artıq Bakıda da müşahidə olunmağa başlayıb.
“Yeni Sabah” xəbər verir ki, trend çərçivəsində gənclər şəhərdəki dövlət nişanlarının, dayanacaq lövhələrinin və digər ictimai əmlakın metal hissələrindən sallanaraq video çəkir və onu sosial şəbəkələrdə paylaşırlar.
Bu hərəkətlər zərərsiz görünsə də, dövlət əmlakına ziyan vurmaqla yanaşı təhlükəsizlik baxımından da ciddi risk yaradır. Sosial şəbəkələrdə yayılan son görüntülərdən birində bir gəncin Bakının mərkəzi küçələrindən birində – “Dədə Qorqud parkı”nın yaxınlığında yol nişanından sallanaraq video çəkdiyi əks olunub. Sezar pizza
Hadisə istifadəçilər tərəfindən geniş şəkildə tənqid olunub. Bir çoxları bu trendi “mənasız”, “təhlükəli” və “cəmiyyətə pis nümunə” adlandıraraq, bu kimi davranışların qarşısının alınmasını tələb ediblər.
Əsmətxanım Rzazadə
Telegram kanalımız
