Aldadılan və narazı qalan alıcılara 315 min manata yaxın pul geri qaytarılıb

saytların hazırlanması

Evə çatdırılma

Aldadılan və narazı qalan alıcılara 315 min manata yaxın pul geri qaytarılıb

İqtisadiyyat

19 Noyabr 2026 17:07 49


Antiinhisar və İstehlak Bazarına Nəzarət Dövlət Agentliyin 2026-cı ilin ilk 10 ayı üzrə istehlakçı müraciətlərinə dair ötən ilin müvafiq dövrü ilə müqayisəli statistikanı açıqlayıb.

“Yeni Sabah” xəbər verir ki, cari ilin yanvar–oktyabr aylarında Agentliyə 8 766-sı yeni və 494-ü əvvəlki ildən qalan olmaqla ümumilikdə 9 260 müraciət daxil olub. Bu, 2025-ci ilin müvafiq dövrü ilə (6 390-ı yeni və 663-ü əvvəlki ildən qalan olmaqla cəmi 7 053 müraciət) müqayisədə nəzərəçarpacaq artım deməkdir. 

Hesabat dövründə daxil olan müraciətlərdən 6 080-nin Agentlikdə baxılması yekunlaşıb, 2 312-si aidiyyəti orqanlara göndərilib, 868 müraciətin icrası isə növbəti aylarda davam etdirilib. Eyni zamanda, 2 399 müraciət təmin edilərək istehlakçılara ümumilikdə 314 997,5 manat vəsait geri qaytarılıb və 41 protokol tərtib olunub.  Sərfəli qiymətə məhsullar

Müqayisə üçün qeyd edək ki, 2025-ci ilin ilk 10 ayında 5 032 müraciətə baxılması yekunlaşmış, 1 560 müraciət aidiyyəti orqanlara yönləndirilmiş, 461 müraciətin icrası davam etdirilmiş və 51 protokol tərtib edilmişdi. Ötən ilin eyni dövründə 2 105 müraciətin təmin olunması nəticəsində istehlakçılara 301 792,1 manat vəsait qaytarılmışdı. 

Cəlalə Cəlalqızı


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!