Bir sıra Mərkəzi və Şərqi Avropa ölkələrində həddindən artıq isti hava şəraiti hökm sürür.
“Yeni Sabah” The Guardian-a istinadla xəbər verir ki, Polşa, Macarıstan, Rumıniya, Xorvatiya, Bosniya və Herseqovina, Serbiya və Slovakiyada ən yüksək hava xəbərdarlığı – qırmızı səviyyə elan edilib.
Belqrad və Buxarestdə temperatur 38 və 37 dərəcə Selsiyə çatacağı gözlənilir. Macarıstanın paytaxtında isə temperatur daha yüksək olacaq – 40 dərəcə Selsi. pizza sifarişi
Bir sıra ölkələr bir gün əvvəl temperatur rekordlarını qırıb. Məsələn, Almaniyada Bazar günü Brandenburq əyalətində civə sütunu 41,7 dərəcə Selsiyə yüksələrək milli rekord qırıb. Berlində polis sakinlərin istinin öhdəsindən gəlməsinə kömək etmək üçün küçələrdə su şırnaqlarından istifadə edir.
Çexiya, Almaniya və Polşada isti hava şəraiti ilə əlaqədar dəmir yolu sistemində problemlər yaranıb. Bir çox qatar stansiyalarında izdiham toplaşıb, qatarlar həddindən artıq doludur və tez-tez kondisioner yoxdur.
Ötən həftə Qərbi Avropa, xüsusən də Fransa qeyri-adi isti hava şəraiti ilə üzləşib. İstilik indi tədricən azalır.
Dünya Səhiyyə Təşkilatı elan edib ki, iyunun 21-dən bəri istidən 1300-dən çox ölüm hadisəsi qeydə alınıb.
Telegram kanalımız
