Çindən Azərbaycana gətirilən baytarlıq preparatının minlərlə flakonunda normativ tələblərə uyğunsuzluq aşkarlanıb. Məhsulların ümumilikdə 8 016 flakonu məhv edilib.
Bu barədə Azərbaycan Respublikasının Qida Təhlükəsizliyi Agentliyindən (AQTA) “Yeni Sabah”a məlumat verilib.
Agentliyin həyata keçirdiyi nəzarət tədbirləri zamanı “Spektra-Vet” MMC-nin ölkəyə idxal etdiyi baytarlıq preparatlarının sınaq nəticələrində uyğunsuzluq müəyyən olunub. Dominos pizza
Belə ki, Çin Xalq Respublikasından gətirilən “Farmazin Tylo” əmtəə nişanlı baytarlıq preparatından götürülmüş nümunələrin laboratoriya sınaqları zamanı pH göstəricisinin normativ texniki tələblərə cavab vermədiyi üzə çıxıb.
Aşkarlanmış uyğunsuzluqla əlaqədar qanunvericiliyə uyğun qərar qəbul edilib. Nəticədə 50 ml-lik 5 010 ədəd və 100 ml-lik 3 006 ədəd olmaqla, ümumilikdə 8 016 flakon məhsul məhv edilib.
Aytac Əliyeva
Telegram kanalımız
