Ermənistanın baş naziri Nikol Paşinyan kiçik modul reaktor tikmək qərarına gəlib.
Yenisabah.az xəbər verir ki, İrəvan hazırda ABŞ, Rusiya, Çin, Cənubi Koreya və Fransa ilə yeni reaktorun tikintisi layihəsini müzakirə edir.
"Bu məsələnin heç bir siyasi komponenti yoxdur. Biz kommersiya və iqtisadi məqsədəuyğunluğa əsaslanaraq seçim etməliyik. Hazırda substantiv müzakirələr gedir və bizim mütəxəssislər bu ölkələrə səfər edir və ya səfər edəcəklər. Yaxın bir-iki ildə biz qərar qəbul edib müvafiq sazişi imzalamalıyıq", - Ermənistanın baş naziri bildirib. pizza
Sentyabrın 26-da Rusiya prezidenti Vladimir Putin və Paşinyan Ermənistan Atom Elektrik Stansiyasının fəaliyyətini müzakirə ediblər. Putin xatırladıb ki, "Rosatom" hazırda bu atom elektrik stansiyasının ömrünü uzatmaq üçün çalışır.
Paşinyan öz növbəsində qeyd edib ki, Ermənistan Rusiya Federasiyası ilə sıx əməkdaşlıq edir, o cümlədən Ermənistan Atom Elektrik Stansiyasının (AES) istismar müddətinin 2036-cı ilə qədər uzadılması məsələsində: “Hazırda biz Ermənistan üçün uyğun olan kiçik modul tipli atom elektrik stansiyası layihələri üzərində işləyirik və axtarırıq və təbii ki, biz də bu məsələdə Rusiya Federasiyası ilə çox fəal dialoq aparırıq”, - o əlavə edib.
Telegram kanalımız
