Polşa Müdafiə Nazirliyi Ukrayna ilə sərhəd zolağında təhlükəsizlik tədbirlərinin maksimum həddə qaldırıldığını elan edib. Rəsmi Varşavanın qərarına əsasən, sərhəd xidməti əməkdaşlarına dəstək vermək məqsədilə bölgəyə Polşa Silahlı Qüvvələrinin əlavə kontingenti yerləşdiriləcək.
“Yeni Sabah” xəbər verir ki, Polşa Müdafiə idarəsindən verilən məlumata görə, hərbi birləşmələrin yerləşdirilməsi ilə yanaşı, strateji əhəmiyyətli sərhəd-keçid məntəqələrinin mühafizəsi də gücləndirilir. Bu çərçivədə Dorohusk, Medıka və Korçova keçid məntəqələrinin yaxınlığında xüsusi mühəndis-istehkam qurğularının tikintisinə start verilib.
Varşavanın bu addımı regionda artan təhlükəsizlik riskləri fonunda dövlət sərhədlərinin qorunması və mümkün təhdidlərin qarşısının alınması məqsədi daşıyır. Dominos pizza
Nazim Hacıyev
Telegram kanalımız
