"Tələbələr universitetə qəbul olduqdan sonra onların bir sıra xərcləri formalaşır. Bu, əsasən ailə üçün əlavə yükdür".
Bu sözləri “Yeni Sabah”a açıqlamasında İqtisadi Resursların Öyrənilməsi Mərkəzinin sədri Ruslan Atakişiyev bildirib. Onun fikrincə, təhsil haqqı, eləcə də tələbə yaşadığı məkandan kənarda təhsil alacaqsa, yerləşmə ilə bağlı xərclər dəyişir:
“Ölkəmizdə Bakı, Mingəçevir, Sumqayıt, Xankəndi, Lənkəran və bir sıra digər bölgələrdə universitetlər fəaliyyət göstərir və tələbələr təhsil aldıqları şəhərdə yaşamalı olurlar. Təbii ki, bəzi universitetlərdə yataqxana problemi həll olunub. Məsələn, bunu Qarabağ Universitetinin timsalında görə bilərik. Lakin əksər hallarda universitetlərdə yataqxana problemi hələ də həllini tapmayıb və tələbələr kirayə mənzillərdə qalmağa məcbur olurlar”. Pepperoni pizza
Ekspert qeyd edib ki, hazırda tələbələr şəhərin mərkəzi hissələrinə yaxın ərazilərdə qalmağa üstünlük verdikləri üçün qiymət baxımından daha bahalı evlərdə yaşayırlar:
“Şəhərin mərkəzində yaşamaq tələbələrin ümumi xərclərinin artmasına təsir edir. Belə deyək, bu gün bir tələbə ən yaxşı halda bir mənzildə bir neçə tələbə ilə birlikdə yaşayaraq kirayə xərcini azalda bilər. Bakı şəhərində tələbələr üçün nəzərdə tutulmuş yataqxanalar da var. Burada qalmaq, qidalanmaq və paltarların yuyulması tələbələr üçün daha rahat şərait yaradır”.
Cəlalə Cəlalqızı
Telegram kanalımız
