Ukraynanın Çerkası vilayətində yerləşən Uman şəhərində yəhudilərin yeni ili — Roş-Ha-Şana bayramı münasibətilə keçirilən kütləvi ziyarətlər ciddi təmizlik və antisanitariya problemlərinə yol açıb.
“Yeni Sabah” xəbər verir ki, Breslov bədii-dini cərəyanına mənsub 50 mindən çox həsid zəvvarın şəhəri tərk etməsindən sonra məhəllələrdə və ictimai yerlərdə böyük həcmdə məişət tullantıları toplanıb.
Sosial şəbəkələrdə geniş yayılan və ictimaiyyətin kəskin narazılığına səbəb olan görüntülərdə xüsusilə Rabbi Naxmanın məzarı ətrafındakı küçələrin, yaşayış binası həyətlərinin və zibil konteynerlərinin sahələrinin tonlarla plastik qab, qida qalıqları, karton qutular və birdəfəlik istifadə materialları ilə örtüldüyü aydın görünür. Analoji mənzərənin zəvvarların istifadə etdiyi qatar vaqonlarında da yaşandığı, nəqliyyat vasitələrinin yararsız və çirkli vəziyyətdə saxlanıldığı bildirilir. pizza hut
Şəhərin mənzil-kommunal təsərrüfatı xidmətləri tullantıların daşınması və ərazinin dezinfeksiya olunması üçün gücləndirilmiş iş rejiminə keçib. Hadisə sosial platformaların Ukrayna və beynəlxalq seqmentində geniş müzakirələrə, o cümlədən kütləvi tədbirlər zamanı mədəniyyət və təmizlik standartlarına riayət olunması ilə bağlı kəskin tənqidlərə səbəb olub.
Nazim Hacıyev
Telegram kanalımız
