“Azər-Türk Bank”ın vəzifəli şəxsi 10 min manat CƏRİMƏLƏNDİ

saytların hazırlanması

Evə çatdırılma

“Azər-Türk Bank”ın vəzifəli şəxsi 10 min manat CƏRİMƏLƏNDİ

İqtisadiyyat

17 Noyabr 2026 15:48 35


Nəsimi Rayon Məhkəməsi “Azər-Türk Bank” ASC-nin vəzifəli şəxsini 10 min manat məbləğində cərimələyib.

Plat.az-ın Azərbaycan Mərkəzi Bankından əldə etdiyi məlumata görə, bankda cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə üzrə qanunvericiliyin tələblərinin pozulduğu AMB-nin cari nəzarət tədbirləri zamanı müəyyən edilib.

Məhkəmə qərarı İnzibati Xətalar Məcəlləsinin 598.1.1, 598.1.2, 598.1.5 və 598.4-cü maddələrinə əsasən qəbul edib. Həmin maddələr müştərilərin və benefisiar mülkiyyətçilərin kimliyinin yoxlanılması, məlumat və sənədlərin saxlanılması, bu yoxlamalarda üçüncü tərəflərə güvənilməsi, eləcə də daxili nəzarət proqramının tətbiqi ilə bağlı tələbləri əhatə edir. Məişət texnikası

Qərarda istinad edilən maddələr həmçinin siyasi nüfuzlu şəxslərlə bağlı tələblərə əməl edilməməsinə və monitorinqə alınmalı əməliyyatlar barədə məlumat və sənədlərin təqdim edilməsi qaydalarının pozulmasına görə inzibati məsuliyyət nəzərdə tutur. 

AMB-nin məlumatında cərimələnən vəzifəli şəxsin adı və pozuntuların hansı əməliyyatlara aid olduğu açıqlanmayıb.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!