2026-cı ilin üçüncü rübünün yekunlarına əsasən, Azərbaycan banklarının kapital gəlirliliyi (ROE — xalis mənfəətin balans kapitalına nisbəti) göstəriciləri məlum olub.
“Yeni Sabah” xəbər verir ki, ən yüksək rentabellik səviyyəsi “Kapital Bank”da qeydə alınıb. Onun ROE əmsalı 22,1 faiz təşkil edib.
Siyahının növbəti pillələrində “AccessBank” 19,0 faiz, “Bank Respublika” 17,6 faiz, “Azərbaycan Beynəlxalq Bankı” (ABB) 15,2 faiz, “Bank of Baku” 14,0 faiz və “PAŞA Bank” 13,6 faiz göstərici ilə qərarlaşıblar. Marqarita pizza
Bundan əlavə, digər kredit təşkilatları üzrə kapital gəlirliliyi əmsalları “Unibank”da 11,9 faiz, “Ziraat Bank Azərbaycan”da 11,4 faiz, “Azər-Türk Bank”da 11,2 faiz, “Rabitəbank”da 9,7 faiz, “Yelo Bank”da 8,9 faiz, “Expressbank”da 7,6 faiz, “Yapı Kredi Bank Azərbaycan”da 6,8 faiz, “Premium Bank”da 6,6 faiz, “Bank VTB (Azərbaycan)”da 6,5 faiz, “Bank Melli İran Bakı filialı”nda 5,6 faiz, “AFB Bank”da 4,6 faiz, “Xalq Bank”da 4,5 faiz, “Bank Avrasiya”da 4,2 faiz, “ASB Bank”da 4,1 faiz, “TuranBank”da isə 2,0 faiz səviyyəsində olub.
Telegram kanalımız
