Dünyada münaqişə və zorakılıqlar səbəbindən evini tərk etməyə məcbur qalan insanların sayı 117 milyonu keçib.
“Yeni Sabah” xəbər verir ki, BMT-nin Qaçqınlar üzrə Ali Komissarı Barham Salih Nyu-Yorkda BMT Təhlükəsizlik Şurasına məlumat verib. Salih bildirib ki, dünyada 117 milyondan çox insan münaqişə, zorakılıq, təqib və təhlükəsizliyinə yaranan digər təhdidlər səbəbindən yaşadığı ərazidən didərgin düşüb.
O qeyd edib ki, münaqişələrin sayı artır və bir çoxu əvvəlkindən daha uzun müddət davam edir. Siyasi həll yollarının tapılmaması isə insanların illərlə evlərindən uzaqda qalmasına səbəb olur. pizza sifarişi
“Ümid etdikləri kimi müvəqqəti olacaq bir böhran səbəbindən evlərini tərk edən milyonlarla insan illərlə, hətta bəzən nəsillər boyu didərgin vəziyyətdə qalır”, - deyə Salih bildirib. BMT rəsmisi vurğulayıb ki, bu məsələ yalnız humanitar problem deyil.
“Əsasən beynəlxalq sülh və təhlükəsizlik üçün ciddi bir çağırışdır”, - deyə o əlavə edib.
Əsmətxanım Rzazadə
Telegram kanalımız
