"The Economist" jurnalı illik hesabatı olan "The World Ahead"ə görə, 2027-ci ilin qlobal böhranlar və qarışıqlıqlar dövrü olacağını proqnozlaşdırır.
"Yeni Sabah" xəbər verir ki, nəşrin üz qabığında meşə yanğınları, tanklar, hərbi gəmilər, partlayışlar, səsvermə qutusu, aşağı düşən maliyyə cədvəli və yanında kosmik raket, peyk, film və beyin formasında mikroçip var.
"The Economist" gələn il üçün 10 proqnoz verib. Əsas siyasi çətinliklər arasında Prezident Donald Trampdan sonra ABŞ-nin gələcəyi də var. Bakıda online alış-veriş
Müəlliflər hesab edirlər ki, "Donald Trampın varisi olmaq üçün yarış başlayacaq. Lakin o, "axsaq ördək" olmayacaq - daha çox dağıdıcı "qəzəbli quş" kimi olacaq.
Nəşrdə Yaxın Şərqdəki müharibənin nəticələri və Avropada sağçı populist qüvvələrin yüksəlişi təsvir olunur. Xüsusilə, jurnalistlər Fransa prezident seçkilərində Marin Le Penin qələbəsini proqnozlaşdırırlar. "The Economist" potensial alovlanma nöqtəsi kimi Tayvanla qlobal maliyyə qeyri-sabitliyinin risklərinə də diqqət çəkir.
Proqnozun əhəmiyyətli bir hissəsi süni intellektə həsr olunub. "The Economist" jurnalı iri texnologiya şirkətlərinə qarşı ictimai narazılığın artacağını və sənayenin borc yükü səbəbindən artan maliyyə risklərini gözləyir. Jurnalistlər rekord istilik, quraqlıq və meşə yanğınları ilə dolu daha bir il gözləyirlər və eyni zamanda bərpa olunan enerji mənbələrinə marağın artacağını proqnozlaşdırırlar.
"The Economist" jurnalı kosmik sənayedə SpaceX-in "Starship" gəmisinin inkişafı, eləcə də məlumat mərkəzlərinin orbitdə yerləşdirilməsi ilə bağlı marağın artması səbəbindən buraxılış xərclərinin azalacağını bildirir.
Telegram kanalımız